10 jierbmás cavgileami

Iežat mánnávuohta mearkkaša ollu dasa movt don šattat váhnemin. Jurddaš ja huma iežat bajásšaddama birra, ja maid don háliidat ja it háliit viidáset addit iežat mánnái.

Ođđa mánná buktá ollu ođđa jurdagiid, dovdduid ja vuordámušaid. Huma dan birra iežat irggiin/guimmiin, dearvvašvuođabargiin dehe eará olbmuin geasa luohtát.

Lea dábálaš ahte olbmos leat sihke positiiva ja negatiiva jurdagat go máná galgá oažžut. Leage rabas ja geavat áiggi iežat jurdagiidda ja dovdduide vai šattat oadjebasabut ja eanet ráhkkanan váhnenrollii.

Smávvamánnáváhnemiid eallimis leat hástalusat. Ráhkat plána mainna ráhkkanat dasa maid galggat dahkat gáibideaddji dilálašvuođain, ja geas sáhtát jearrat veahki.

Čierrun lea mánás okta gulahallanvuohki. Sii čirrot muitalan dihte sii dárbbašit veahki. Geahččalatta – dađistaga dieđát juste maid du mánná dárbbaša.

Suhttu, duššástuvvan ja vuoimmehisvuohta leat dábálaš dovddut, man buot váhnemat vásihit. Jus it hálddaš dilálašvuođa, de sáhttá šaddat eahpedorvvolaš dahje várálaš mánnái, dutnje alccet ja earáide.

Oađđit bures lea dehálaš máná ovdáneapmái ja du fuollanákcii. Ii beasa nu olu oađđit go njuoratmánná lea viesus. Vuoiŋŋas dalle go njuoratmánná oađđá, ja fuolat helpema go dárbbašat dan.

Geahča, huma, lávllo ja stoaga njuoratmánáin. Dalle ovdánahtát máná vuoiŋŋamaččaid. Daga beaivválaš dahkamušaid, nugo borramiid ja lihparmolsumiid vuoiŋŋamašovdánahtti doaibman.

Juoga dat buoremusas maid sáhttibeahtti mánnái addit, lea ahte ollesolbmuin lea buorre dilli ovttas. Jus don leat okto, de lea jierpmálaš sihke mánnái ja dutnje alccet eará olbmuid oažžut fárrui.

Don leat deháleamos olmmoš máná eallimis. Maid don dagat ja dajat guođđá luottaid – sihke buori ja bahá dáfus. Don fertet diehtit mii sáhttá vahágahttit máná, ja movt don sáhtát hálddašit gáibideaddji dilálašvuođaid.